Det eine biletet har Kleng teke frå toppen av masta. Elles frå sjøsetjing og fyrste turen for motor kringom i hamna her.Til dessar gråver , varmt, nokre harde og nokre lange regnbyger. Regntida er ikkje heilt over. I dag også regn om morgonen, så blank soldag. Sveitten renn av bleike kroppar. Yngve, Kleng og Anne har sett opp genoaen ( på rullefokkestaget ) Kutterstaget er løyst og festa i masta. Babystaget står oppe. Eg går rundt som ein nevrosebefengd nisse og taklar tauendar. Her er ein del tauendar som anten ser ut som laushår eller er knytte i knopar. Ynge har vore høgt og lågt og smurt alle slag rørlege deler med silikonolje. Me kjenner oss etterkvart klare for open sjø. Her er det mange slag maritime aktivitetar og sjøen er brun og skiten.
Forresten er sjøen kring Trinidad ikkje så klår.Orinokoelva munnar ut straks sørføre her. Tobago har svært mykje klårare sjø.
Tony er ein ung mann som har sett etter båten. Han har vore her, han har køyrt oss og henta oss på flyplassen. Ein munter herremann. Syster hans ser me også aktiv i serviceoppdrag for båtfolk. Her er ein del store båtar og høg standard, så me ser for oss at det er ein del å tena og gjera for servicepersonell her på Trinidad.
I morgon reknar me med å starta reise på open sjø.
Aslak
3 kommentarer:
Gildt å sjå at de er vel framme! Og så Kleng då, i klede! Satsar på at de får føyelig vind framover, og at båten får det godt.
Når det passar seg slik "Innunder jul", kan de jo høyra på opptak frå konserten me hadde saman med Kleive og Groven i Bryne kyrkje sist fredag: http://www.bkvivace.com/filer/opptak.
Jaja, skitt fiske!
Hærlig! Vi gleder oss alle til konserten! :)
Be Yngve sjekke mailen sin, har sendt mail til ham med kontaktinfo til Telenor Maritim vedr. Inmarsat'en.
Lykke til på ferden!
Legg inn en kommentar